تعالو نعكس الصورة
كل صورة في برواز ورائها حكاية بتحكي معنى وتوصف لحظة
خُفنا عليها تروح فإحتفظنا بيها في صورة٠
كل موقف في حياتنا فرحنا ،أو
حتى وجعنا بنعمله إطار ويتخزن في عقولنا صوت وصورة ٠وعليه بنكون أفكارنا ونحدد أفعالنا اللي بترسم لينا طريقنا٠
طب ما تيجي نعكس الصورة في أي موقف في حياتنا ،يمكن نقدر نوصل لمفتاح الكنز ونفهم دنياتنا٠
جربت في موقف عدا عليك إنك تعكس وضع الفكرة الموجودة في عقلك للموقف ،أوحتى تبدل الأوضاع في الحدوته٠
تعالو نعكس الصورة في موقف قلت فيه إنك مش سبب المشكلة الموجودة ،وقول إنك ممكن تكون إتسببت فيها ٠
تعالو نعكس الصورة في فكرة حلمك اللي نفسك يبقى حقيقة بس متأخر عن معياده سنين عديدة ،شوفها إنك محتاج تتعلم أكتر وأكتر علشان الحلم يبقي حقيقة ،وتقدر تحافظ عليه ،وتعيشه كل دقيقة ٠
تعالو نعكس الصورة في إحساس شخص جرحته وخلى نفسك مكانه ولو لدقيقة٠
ممكن تجرب تعكس صورة دوشت ولادك وكتر مطالبهم ،
بإن حياتك بيهم ليها معني كبير،
وإن الوحدة والحياة الفاضية أصعب بكتير٠٠
جرب تعكس دورك بدور واحد محتاج يسمع شكرًا وأنا في ضهرك مهما يكون٠
في أي صورة بتعكسها بتظهر خيوط ومفاتيح بتساعد في إعادة تفكيرك ،وبتوضح ملامح الموقف وفيها بتلاقي الحل٠
وفاء فؤاد